簡約晚餐
相約友人在太子食番餐中菜，在柏樹街有一主題餐廳，走了入去。入到內堂，全以磚牆為主，而燈飾亦具特色，營造一個儲存禾稈草的屋子一樣。
晚飯當然以小菜為主，兩個人三個小菜，點都會夠的，多了也吃不消。
一人一罐啤酒，就剛剛好。雖然近期喝多了手工啤酒，但是偶然點來普通的燕京啤酒，食著中菜是另一滋味。
煲仔菜現今幾時都有得食，所以點來紅燒豆腐班腩煲（七十八個大洋）。豆腐與班腩份量幾多的，班腩炸粉不厚，食落軟腍而班腩又夠香滑，豆腐亦具有豆香，內裡又是很滑。
蜜糖欖角骨（八十八個大洋）。欖角骨呈長條形，有長有短，骨頭成方形。除了用蜜糖外，還用豆豉來醃製，因止食味除了有淡淡香甜的蜜糖味外，還有一種惹味的味道，濃郁之中帶有甜甜，先濃後甜，層次感分明。
食過兩款重口味的小菜，就可食一下清淡的菜式，這款鮮茄雜菌浸時蔬（五十二個大洋），剛好中和那兩款濃郁的小菜。上湯有著蕃茄的酸甜味道，加上蕃茄白菜雜菌等食味，一洗之前口腔裡的味覺，帶來清新的味道。
三款小菜已可吃得飽，再坐一會，結賬走人。
餐廳名稱：禾稈草主題餐廳（太子）
餐廳地址：九龍太子柏樹街13號地舖
